Verkefnið hefur verið klárað.. jibbí jei :D

Sæl veriði !

Það er nú blessuð blíðan í dag og við höfum lagt lokahönd á verkið. Það er allt tilbúið fyrir sýninguna á morgun og föstudaginn :)

Í dag mættum við rúmlega 9 og kláruðum bæði myndbandið og trailerinn, síðan brenndum við það á disk og fórum með til Guðnýjar tölvukennara. Síðan fórum við heim um hálf 12.

Verkefnið hefur gengið voðalega vel og við erum mjög ánægðar með það. :D Vonandi líkar ykkur það líka. Bráðlega mun myndbandið vera sett inná www.retto.is þar sem áhugasamir geta horft á það :)

Takk fyrir okkur :)

Silja Guðbjörg, Heba Björk, Viðja Karen og Gunnþóra Mist :)

fréttir :)

Góðan dag !

Ég ætla að byrja að segja ykkur frá gærdeginum því þá blogguðum við ekki vegna annríkis. Í gær stakk einn meðlimur visindacrewsins af til Búlgaríu, en við stelpurnar spjörum okkur, vonandi. Það var mikið klippt í gær, við kláruðum að búa til trailerinn úr myndbandinu til að sýna á sal fyrir nemendur skólans og foreldra. Við fínpússuðum einnig myndbandið og það er alveg tilbúið núna. Við hittum hann MagnúsJúl. líka í gær og sýndum honum part af myndbandinu. Síðan var haldið heim á leið um eitt leytið. Þessi dagur gekk bara mjög vel! :)

Í dag mættu Silja og Viðja, og við ætlum að klára verkefnið, það þarf að taka upp eina senu um ísinn og síðan þurfum við að koma því fyrir inní myndbandinu og trailernum. Við erum núna að skrifa skýrsluna um framgang verkefnisins sem við einkunn okkar verður metin út frá. Vonandi gengur þetta bara allt vel, því þegar þetta er búið er verkefnið nánast búið. :)

Takk og bless :)

Silja og vísindacrewið ;p

 

Rafgreining vatns

 

Hæ Hó kæru vinir

Í dag ætlum við að taka upp rafgreiningu vatns og flytja allt endanlega í tölvuna. Verkefnið hefur gengið vel hingað til en við urðum svo óheppnar í gær því við tókum óvart yfir sumt af ístilrauninni en ekki allt. Í dag ætlum við einnig að hefja dauða leit að snúru fyrir importun.

Í gær heimsóttum við Orkuveituna og fengum aðeins að rúnta á vetnisbílnum þeirra og fræðast um þá. Það var mjög gaman og urðum við alfróðar um vetnisbíla .

Núna þurfum við að kíkja á rafgreininguna og gá hvort vatnið er búið að skiljast í vetni og súrefni. Sjáumst hress og kát í næsta bloggi .

Kveðja, Gunnþóra og vísindacrewið !

Ís, ís, ís

Góðan daginn!

í dag tókum við daginn snemma og mættum (flestar) klukkan átta. Silja og Heba byrjuðu á því að skokka niður í sjoppu til þess að kaupa ísbox á meðan Viðja og Maggi afþýddu jarðarberin og biðu eftir Gunnþóru. Svo fórum við inní sal og byrjuðum að búa til ísinn mað hjálp Jón Péturs og flótandi niturs. Salan á ísnum fór fram úr okkar björtustu vonum svo að við ákváðum að kaupa meiri ísblöndu og selja ísinn aftur í hádeginu.

Við skiptum liði og Silja og Heba fóru og keyptu ísblönduna og ísbox á meðan Gunnþóra, Maggi og Viðja fóru og sóttu meira nitur. Salan í hádeginu gekk ekki alveg eins vel og fyrri salan og þurftum við að gefa afslátt og selja ísinn á 100 kr. Samt sem áður kláraðist ísinn og allir voru sammála um að hann hafi verið mjög góður.

Við töldum peningana og niðurstaðan var sú að við höfðum safnað hvorki meira né minna en 21.160 krónum. Þegar búið var að reikna út hvað við höfðum borgað mikið fyrir hráefnið kom svo í ljós að við fengum um það bil 6.000 krónur í gróða.

Planið fyrir morgundaginn er svo að fara og skoða vetnisbíl og spyrja eigandann nokkura vel valinna spurninga þar sem áhersla verður lögð á hvernig bílarnir virka og hvernig hægt sé að nýta vetni betur í framtíðinni.

Niðurstaða: frábær dagur í lífi Vísindacrewsins og við lítum björtum augum á framhaldið!

Kossar og knús

Vísindacrewið

 

Fréttir um framvindu verkefnisins :)

Jæja flott fólk :)

Viðja og Silja hér með ykkur fyrir framan skjáinn á þriðjudagsmorgninum. Sólin skín og veðrið er alveg brilljant. Í dag tókum við daginn snemma og mættum hér um 8 leytið, við framkvæmdum tilraun þar  sem við létum soðið egg sogast ofan í suðuflösku úr gleri með því að setja brennandi blað ofaní flöskuna. Eins og flestir vita klárast þá allt súrefni í flöskunni við brunann og þá myndast þrýstingur sem sogar eggið ofan í flöskuna. Eftir síendurteknar tilraunir tókst þetta ( eins og gerist oft í vísindum), en við gáfumst sko ekki upp! Loksins þegar þetta tókst vorum við svo ánægðar með árangurinn að við hlupum um skólann eins og villtir apar. Fórum upp á kennarastofu og sýndum Kristjáni Ingasyni árangurinn, hann var að sjálfsögðu ofboðslega stoltur af okkur :)

Næst á dagskrá hjá okkur er Hot ice tilraunin, sem við munum segja ykkur frá síðar. Og á morgun munum við framkvæma ístilraun þar sem við búum til gæðaís með fljótandi nitri, ísinn verður með nammi og öllum pakkanum. Svo ég hvet starfsmenn og nemendur Réttarholtsskóla til að koma með 200 krónur á morgun, miðvikudag, og kaupa sér ís til dægrastyttinga. Síðar í dag munum við leggja í stórkostlega ferð með Magnúsi Júl félaga okkar og leiðbeinanda og sækja niturkút til að setja nitrið í, kaupa bragðgott sælgæti og ísblöndu í ísbúðinni ;)

Við vonum að sjálfsögðu að verkefnið haldi áfram að ganga vel og þið haldið áfram að fylgjast með okkar elskulegu síðu sem við elskum svo heitt :*

Kossar og knús,

Viðja og Silja

Heba og Gunnþóra eru nú að vinna við klippingu myndbands okkar ;)

 

Dagskrá

Góðan og blessaðan daginn !

Afsakið hvað þessi dagskrá kemur seint en vegna tæknilegra örðugleika gátum við ekki birt hana :(

En núna loksins kemur hún og ég vona að þið fylgist með síðunni áfram :D

13.maí		Verkefni skipulagt, bloggsíða stofnuð, blogguðum, hittum kennara og ræddum um verkefnið. Kaupa diet kók og mentos. Silja kemur með nál og spotta.
14.maí		Mentostilraun gerð á Ingvari, tekin upp. Gera handrit.
15.maí		Froðutilraun undirbúin og kynna okkur efnið, magnús reddar efnum. Sloppar og gleraugu.
16.maí		Froðutilraun framkvæmd.
17.maí		FRÍ
18.maí		FRÍ.  Gunnþóra kemur með egg og blað.
19.maí		Egg og bjór tilraun framkvæmd.
20.maí		Hot ice tilraun framkvæmd.
21.maí		Ístilraun frakvæmd og ís seldur í kaffihléi klukkan 9.30.
22.maí		Sprengitilraun, ákveðið síðar. Fara niður í sjoppu og kaupa nammi og ísblöndu.
23.maí		Magnesíuborði og rafgreining vatns frakvæmd og tekin upp.
24.maí		Viðtal við eiganda vetnisbíls.
25.maí		Klippa og undirbúa sýningu, einnig verður klippt ef tími gefst inná milli.
26.maí		Klippa.
27.maí		Klippa og skila.
28.maí		Verkefni tilbúið og skilað.

 

 

15. maí ;)

Jæja, góðan og blessaðan daginn.

Það verður nú að segjast að dagurinn í dag var aðeins betri heldur en gærdagurinn! Við byrjuðum á því að rúnta niður í Bónus til þess að kaupa meira kók og mentos. Síðan prófuðum við aftur að setja mentos í kók en það virkaði nú ekki alveg sem skyldi svo að við ákváðum að snúa okkur að öðru. Þar sem að yndislegi leiðbeinandinn okkar átti þurrís ákváðum við að búa til sprengju úr honum sem að heppnaðist ágætlega. Næst snerum við okkur að marshmallow tilrauninni(froðutilrauninni). Hún gekk líka ágætlega og fórum við sáttar heim, eftir ítrekaðar tilraunir til þess að láta mentos tilraunina heppnast, um þrjú leytið (nema Gunnþóra sem var mjög fúl eftir að Hebu tókst að láta kók sprautast yfir hana alla ).

kv.

Viðja (Gunnþóra, Heba og Silja)

Diet Coke + Mentos

Diet Coke + Mentos: dauðleg samsetning...eða þannig.

Halló =) 

Getum ekki sagt að annar dagur í þessu verkefni hafi gengið vel.  Einhvern veginn gengur ekki upp að svona miklir englabossar (eins og við erum...eins og þið vitið )  séu að framkvæma grikk gagnvart kennurum okkar. Í fyrsta lagi tók fáranlega langan tíma að útskýra þessa einföldu tilraun og taka upp.  Þar sem Heba átti ekki sinn besta dag og var óvenjulega klaufsk en ekki meir um það.  Í öðru lagi vorum við of bjartsýnar á að eitt mentos mundi duga.  Seinna þegar við vorum búnar að eyða mjög miklum tíma í varla neitt var Ingvar (útvalið fórnalambið)...sloppinn.  Þannig að sú útvaldna varð Ásta stærðfræði kennari sem tók gríninu vel en var ekki göbbuð.  Annars var þetta ágætur dagur en við hefðum getað notað tíman betur. Við höldum að fyrsti dagurinn sé alltaf erfiður að byrja á og mun okkur á morgun örugglega ganga betur.  =)

 

Með kveðju, Gunnþóra og Heba 

Fyrsti dagur

Góðan daginn

Í dag stofnuðum við hér blogsíðu vegna vorverkefnisins okkar þar sem við gerum náttúrufræði tilraunir og tökum upp. Þær náttúrufræði tilraunir sem við stefnum að að gera eru frekar töff og margbrotnar t.d. að búa til ís og láta froðu flæða út um allar trissur. Skipulagning verður mikil og mikil erfiðis vinna er framundan. Hér með byrjum við og verðum duglegar að blogga þar sem þú vondandi fylgist ákafur með, kæri áhorfandi.

Yngismeyjarnar : Silja, Heba, Viðja og Gunnþóra